Aziz Bejtullahu
Milani është kurorëzuar kampion i Superkupës së Italisë pas një rikthimi spektakolar (2-3) ndaj Interit në finalen e zhvilluar në Arabinë Saudite.
Me vetëm tetë ditë në krye, trajneri i ri Sergio Conceicao arriti të ringjallte një skuadër që po kalonte një nga krizat më të këqija në vite dhe i dha fund dominimit të Interit, pasi kishte fituar tre edicionet e fundit të turneut. Goli i Tammy Abraham në minutën e 93-të vulosi fitoren në një ‘Derbi della Madonnina’ intensive.
Fillimisht, ata bënë një rikthim kundër Juventusit në gjysmëfinale, dhe më pas përsëritën suksesin ndaj Interit, një rival që e kishin mundur tashmë këtë sezon. Pavarësisht se nuk luajtën shkëlqyeshëm, kuqezinjtë treguan se kanë aftësinë për të konkurruar në nivelin më të lartë, diçka që e kishin humbur sezonet e fundit.
