Aziz Bejtullahu
Liverpool tregoi fuqinë e tij me një fitore të thellë 6-3 kundër Tottenham-it, në një ndeshje ku diferencat mes skuadrave ishin të dukshme.
Mohamed Salah shkëlqeu, duke shënuar dy gola dhe duke asistuar një tjetër, ndërsa “The Reds” dominuan totalisht ndeshjen.
Me këtë performancë, Salah u bë golashënuesi i katërt më i mirë i të gjitha kohërave për Liverpool-in, me 229 gola, duke kaluar legjendën Billy Liddell.
Liverpool udhëheq tabelën me 39 pikë, katër më shumë se ndjekësit, ndërsa Tottenham, tashmë në vendin e 11-të me vetëm 23 pikë, përballet me presion të madh.
Trajneri Ange Postecoglou duhet të gjejë zgjidhje urgjente për të shmangur rënien e mëtejshme të skuadrës.
