Aziz Bejtullahu
Kriptomonedha më e madhe në botë, Bitcoin, ka arritur për herë të parë vlerën e mbi 100,000 dollarëve, e nxitur nga emërimi i fundit i Donald Trump për ekipin e tij presidencial.
Që nga data e zgjedhjeve presidenciale në SHBA më 5 nëntor, çmimi i Bitcoin ka pësuar një rritje prej rreth 45%, duke kaluar nga 69,374 dollarë në maksimum në 103,800 dollarë. Rritja e çmimit është mbështetur edhe nga disa emërime të presidentit të zgjedhur, përfshirë Paul Atkins, i cili u emërua për të udhëhequr Komisionin e Letrave me Vlerë dhe Shkëmbime (SEC), në të njëjtën ditë kur çmimi i Bitcoin arriti një nivel të ri.
Trump tashmë ka shprehur mbështetje për idenë e shndërrimit të SHBA-së në “kryeqytetin e kriptove të planetit” dhe për krijimin e një “rezervë strategjike” të Bitcoin gjatë fushatës së tij zgjedhore. Ai ishte gjithashtu kandidati i parë presidencial që pranoi donacione në kripto-asete, ndërsa nënpresidenti i zgjedhur, JD Vance, ka qenë një mbështetës i fortë i monedhës dixhitale.
