Neuer shpreh keqardhje pas kartonit të parë të kuq në karrierë

Shpresat e Bayern Munichut për të fituar titullin e Kupës së Gjermanisë u shuajten të martën, pasi ata humbën 1-0 në shtëpi ndaj Bayer Leverkusenit, kampionëve aktual, pas një kartoni të kuq të diskutueshëm ndaj portierit Manuel Neuer.

38-vjeçari Neuer, i cili nuk kishte pësuar asnjëherë një përjashtim gjatë karrierës së tij të gjatë, mori një karton të kuq direkt në minutën e 17-të për një ndërhyrje ndaj Jeremie Frimpongut, duke përdorur trupin për ta larguar atë.

Pas ndeshjes, Neuer e pranoi gabimin dhe shprehu keqardhje për situatën.

“Kartoni i kuq e vendosi fatin e ndeshjes. Jemi të lënduar dhe më vjen shumë keq. I kërkova falje skuadrës. Në atë moment, shpresova që mund të ishte një situatë jashtë loje. Tani, nuk mund ta ndryshoj dot. Ishte një gabim që duhet ta pranoj. Natyrisht, nuk ishte e lehtë të vazhdonim të luanim, por kemi investuar shumë dhe nuk mund të na fajësoni për këtë.”