Flamur Hoxha
Policia e Kosovës sot ka kryer bastisje në veri të Kosovës.
Kontrolla të vazhdueshme po bëhen në mënyrë që rritet siguria e banorëve të zonës e të parandalohen rastet e mundshme të sulmeve terroriste sikurse ai i kanalit të Ibër-Lepencit.
Si rezultat i hulumtimeve, të marten njësitet përkatëse policore kanë bastisur një lokacion në komunën e Zubin Potokut në të cilin dyshohej se ka armë, municion e pajisje të tjera ushtarake.
Raporti i policisë:
“Pas verifikimit të informacionit njësite policore kanë kryer kontrollin në objekte ndihmëse ku në një kotec pule, të fshehura nën kashtë dhe në disa fuçi (bure) të mbushura me drithëra u zbuluan disa qese me armë, municion, antiplumb dhe pajisje të tjera ushtarake, të cilat janë sekuestruar si dëshmi dhe prova materiale, e që janë si në vijim:
Një armë AK-47 e demontuar.
– Shtatë karikatorë për AK-47 me nga 30 fishekë, 12 fishekë dhe të zbrazët.
– Pjesë të ndryshme për armë me një kuti plastike.
– Municion të kalibrave të ndryshëm. Një helmetë ushtarake.
– Dhjetë rripa për uniforma ushtarake.
– Një kapelë ushtarake.
– Dy çantë ushtarake.
– Një shall kamuflazhi për snajper.
– Një këllëf ushtarak për karikator të armës së gjatë.
– Disa jelekë taktikë ushtarakë, prodhim kinez.
– Disa uniforma, xhaketa, këmisha, pantallona, rripa dhe kapela ushtarake me emblema e mbishkrime të llojeve të ndryshme, përfshirë ato ruse etj.”.
