Fatlum Berisha
Një shpërthim ka ndodhur të martën në Kolegjin privat Heimerer në Prishtinë.
Si pasojë, i lënduar ka mbetur një punëtor i kompanisë që fakulteti e kishte kontraktuar për servisimin e sistemit të ngrohjes, që ndodhet në oborr. Shkaktari i shpërthimit nuk dihet ende.
“Sot rreth orës 16:30, kemi pranuar informacionin për një shpërthim në një objekt në rrugën ‘Kadri Zeka’ në Prishtinë. Si pasojë e shpërthimit, një person ka pësuar lëndime dhe është dërguar për trajtim mjekësor”, deklaroi Policia e Kosovës.
I lënduari është në gjendje stabile, thanë nga Klinika Emergjente në Prishtinë.
Shënjestër ka provuar të marrë një përgjigje edhe nga Kolegji Heimerer, por askush nuk i është përgjigjur thirrjeve telefonike.
