Ndeshje e çmendur në Ligën e Konferencës, tri gola në shtatë minutat e para

Getafe pësoi humbje 2-5 në shtëpi ndaj Luganos, në ndeshjen e dytë të fazës së ligës në Ligën e Konferencës.

Ndeshja nisi me një ritëm të jashtëzakonshëm, pasi tri gola u shënuan në shtatë minutat e para.

Sipas OptaFranz, një fillim i tillë me kaq shumë gola në një ndeshje evropiane nuk ishte parë prej 37 vjetësh. Hera e fundit kur ndodhi kjo ishte në shtator të vitit 1989, kur Juventusi po fitonte 3-0 ndaj skuadrës polake Górnik Zabrze pas vetëm gjashtë minutash lojë, në kuadër të Kupës UEFA.

Kjo ishte hera e tretë në historinë e Getafes që skuadra spanjolle pëson pesë ose më shumë gola në shtëpi.

Getafe vazhdon të jetë pa fitore në Ligën e Konferencës, pasi në ndeshjen e parë kishte barazuar me Universitatea Craiova.