Elias Krasniqi
Negociatat direkte mes agjentëve të Nico Gonzalez dhe Juventusit pritet të zhvillohen gjatë pushimit të shtatorit për ndeshjet e kombëtareve, lidhur me një zgjatje të mundshme të kontratës deri në vitin 2030 ose 2031.
Sipas Nicolo Schira, kjo mund të ndihmojë gjithashtu Juventusin në uljen e kostove të amortizimit në bilancin financiar të klubit. Kontrata aktuale e sulmuesit argjentinas me Juventusin skadon në vitin 2029.
Sezonin e kaluar, Gonzalez luajti në huazim te Atletico Madridi, i cili vendosi të mos e blejë përfundimisht lojtarin. Raportimet gjatë kësaj vere sugjeronin se ai do të largohej nga Juventusi, por në fund qëndroi në Torino.
Nico iu bashkua Juventusit në huazim nga Fiorentina në verën e vitit 2024, para se klubi ta transferonte përfundimisht.
28-vjeçari ka luajtur në katër ndeshje në fillim të këtij sezoni, duke shënuar dy gola dhe duke dhënë një asistim.
